KORONADAL CITY – Nagahingyo sa subong sang price adjustment ang Phil baking group bangud sa gulpiyada nga pagasaka sang presyo sang harina nga naga panguna nga kinahanglan sa paghimo sang tinapay.
Ini ang nangin pahayag ni Flora Gabunales, Assistant Regional Director sang DTI-12 sa interview sang Bombo Radyo Koronadal.
Suno sa opisyal, naga palag na ang Phil baking group sa price increase sa kada sako sang harina nga ila ginabakal para sa pag himo sang tinapay.
Ginpahayag pa sang opisyal, normal naman suno pa ang pagsaka sa presyo sang harina sa ti-on sang holiday season apang mangin sila, naka esperyensyar sang pagkakibot nga ika-3 pa lang nga bulan sang tuig nag saka na ang presyo sini.
Dugang pa sang opisyal, wala man sang problema ang processing sang harina sa Pilipinas apang ang problema sini amu ang trigo nga halin pa sa luwas sang pungsod kag bangud winter season pa sa pila ka mga lugar nga exporter sang trigo, apektado man ang supply sini.
