Pigado ang baligyaanay sang bulak sa subong bisan pa nga naga hilapit na ang valentines day.
Ini ang pahayag ni Rosalie Lorenzo isa ka flower vendor sa syudad sang Koronadal.
Suno sa iya nga gamay lang ang naga bakal sang bulak sa subong bisan pa naga hilapit na ang valentines day kag kadam anan sa naga bakal gina pang regalo sa birthday ukon anniversary.
Suno man sa iya nga kadam anan indi pa maka bakal sang bulak para ipang regalo sa palaabuton nga Valentine’s Day bangod wala pa sila sang budget ukon kwarta nga pangbakal.
Nag mahal man ang presyohanay sang bulak suno sa iya bangod sa ila palang pag pangompra sa mga ini pareho sang rosas nga naga lab-ut sa P500 ang dosena.
Dugang pa niya naga lab ut ang presyohanay sang bulak halin P100 tub-tub P1000 kag maga depende man ini sa bulak nga paga gamiton kag gusto sang mga manugbakal.
