Presyo sang produktong petrolyo, lauman ang pagnubo sa masunod nga semana – DOE

Ginalauman nga magapatuman sang roll back ang mga kompaniya sang petrolyo sa masunod nga semana suno sa Department of Energy (DOE).

Mahimo nga magnubo ang presyo sang gatong kun magapadayon ang kasamtangan nga global price trends.

Gasoline: P0.40 kada litro
Diesel: P0.50 kada litro
Kerosene: P0.25 kada litro

Suno sa DOE ang pagnubo sang presyo bangud sa mas manubo nga presyo sang petrolyo sa world market.

Kasagaran nga naga-anunsiyo ang mga kumpanya sang petrolyo sang opisyal nga presyo kada Lunes, nga epektibo naman kada Martes.