Nagmahal ang pamaligya sang lubi kag pilit samtang naga hilapit ang Holy Week.
Ini ang gin pahayag ni Lucia Lubaton isa ka manug baligya sa sang Koronadal Public Market sa interview sang Bombo Radyo Koronadal.
Suno sa iya, mahina pa man sa subong ang pag pamaligya sang mga balaklon ilabi ang ang pipila ka rekadus.
Gin pahayag man niya , nga nag mahal ang pamaligya sang pila ka mga balaklon sa merkado pareho sang lubi kag pilit nga isa sa mga gina bakal sang kadam-anan para sa palaabuton nga Holy Week.
Dugang pa niya ang presyohanay sang giniling nga pilit yara sa P75, apang yara naman sa P60 wala pa an proseso nga pilit.
Dugang pa niya nga nag taas man ang pagpamaligya sang lubi nga dati pwede ma bakal sa P20 apang sa karon yara na sa P30 tubtub P50 ang pag pamaligya.
Maluwas sa lubi kag pilit wala naman nag taas ang iban nga mga balaklon pareho sang sago kag iban nga mga rekados nga pirmi gina bakal sang mga katawhan.
Nag panawagan man si Lucia sa mga katawhan nga samtang mas aga pa mahimo mag bakal na sang mga kinahanglanon ilabi na sa palaabuton nga Semana Santa.
