Ginpahayag ni National Economic and Development Authority (NEDA) Secretary Arsenio Balisacan nga ang presyo sang mga pagkaon ang ginapaabot nga maganubo sa masunod nga mga binulan kag ang overall inflation magasulod lang sa target sang gobyerno nga 2 tubtub 4% subong nga tuig.
Suno kay Balisacan, natapos na ang El Niño kag kon indi lang magdala sang lapnagon nga pagbaha ang La Niña, dako ang tsansa nga maghagan –hagan ang presyo sang mga pagkaon.
Ginapanan-aw man ni Balisacan nga apisar nga wala pa natapos ang posibilidad sang worst scenario, ang overall inflation mahimo nga magnubo pa sa masunod nga mga bulan.
Samtang, ginpahayag na man ni Bangko Sentral ng Pilipinas Governor Eli Remolona Jr. nga ang inflation sang Hunyo ang ‘slightly better’ ikumparar sa ginapaabot sang BSP.
