KORONADAL CITY– Pagalauman suno pa ang paghulag sang presyo sang mga basic necessities kag prime commodities nga yara sa idalum sang suggested retail price (SRP) nga ginabantayan sang Department of Trade and Industry (DTI).
Ini ang ginpahayag ni Elbert Capecio, Chief Trade and industry development specialist -DTI South Cotabato sa interbyu sang Bombo Radyo Koronadal.
Suno sa iya, sa pagsulod sang panibag o nga administrasyon, ginahimuan nila sang pamaagi kag sang panibag o nga gobyerno nga indi na maghulag pa ang presyuhanay apang nahibaluan nga may yara sang mga manucfacturer nga nagahinyu nga magapataas sang presyo sang ila produkto ginpunto sini nga may yara sang ginapatuman nga layi natuhoy diri.
Apang ginhatagan man sang ligwa sang opisyal nga tubtob wala gina-aprubahan sang DTI ang hinyu nga price adjustment indi ini mangin epektibo kag ginatun-an sang dumalahan sang ahensya kag bag-onga tiglikom sang DTI nga si Secretary Alfredo Pascual.
Sa ti-on nga aprubahan ni Pascual ang price adjustment, epektibo naman nga magahulag ang presyo sang balaklon.
Apang sa karon, padayon nga ginamonitor sang DTI ang presyuhan sang nagapanguna nga balaklon.
