Presyo sang karne sang baboy, nagnubo; presyo sang manok nagsaka

Nagnubo ang presyo sang baboy samtang nagsaka naman ang presyo sang manok bangud sa liwat nga paglapta sang African Swine Fever (ASF) sa pila ka mga probinsya.

Suno sa report, nagsugod na sa pagpanubo sang presyo ang pila ka mga pork vendors.

Sandig sa monitoring sang Department of Agriculture (DA), ang presyo sang liempo ang yara sa P305 kada kilo.

Samtang, nagpasaka naman sang presyo ang mga retailers sang manok kag itlog kasunod sang mataas nga demand sang konsumidor.

Sa karon, yara na sa P220 ang kilo sang whole chicken, samtang ang choice cuts ang yara naman sa P240 tubtob P250.