Presyo Sang gatong magahulag antis magtakop ang Oktubre

Lauman sang mga motorista ang paghulag sa presyo sang gatong antis magtakop ang bulan sang Oktubre.

Posibli wala ukon tubtob P0.20 ang igasaka sa presyo sang kada litro sang gasolina, P0.50 sa kada litro sang kurudo kag P0.40 tubtob P0.50 sa kada litro sang kerosene.

Suno sa Department of Energy – Oil Industry Management Bureau (DOE-OIMB), ang pagsaka sang demand sa South Korea ang posibli rasun sang paghulag sang presyo sa pangkalibutanon nga mercado.

Nahibaluan nga sumugod Enero tubtob Oktubre 22, naglab-ot na sa P8.55 ang ginsaka sa presyo sang gasolina kag P6.05 naman sa kurudo.