Presyo sang gatong lauman nga magasaka sa liwat sa masunod nga semana

Ginapaabot nga magasaka naman ang presyo sang gasolina kag krudo sa masunod nga semana.

Suno sa resulta sang international trading, posible nga madugangan sang 10 sentimos kada litro ang presyo sang gasolina, samtang madugangan sang 85 sentimos kada litro ang presyo sang krudo.

Samtang, 45 sentimos kada litro naman ang posible nga idugang sa presyo sang kerosene.

Sa Lunes, magapahayag ang mga kompanya sang gatong sang eksakto nga kantidad sang pagtaas sang presyo sang fuel, base sa resulta sang trading sang sini nga Biyernes, Enero 30.