Posible magnubo sa P29 tubtob P34 pesos ang kada kilo sang bugas sa bulan sang Agosto.
Suno kay House Speaker Martin Romualdez, ini matapos ang meeting kaupod ang Philippine Rice Industry Stakeholders Movement founder kag lead convenor nga si Rowena Sadicon kag co-founder nga si Orly Manuntag nga amo man ang spokesperson sang Grain Retailers Confederation of the Philippines.
Dugang pa, nagpromisa ang duha ka grupo nga panubuan ang presyo sang bugas matapos ang gin-isyu ang Executive Order 62 nga pagpanubo sang tariff rates sang imported nga bugas sa 15%.
Suno kay Romualdez, posible magnubo sa P45 tubtob P46 pesos ang kada kilo sang well-milled rice, P47 tubtob P48 pesos naman ang kada kilo sang premium rice sa Hulyo antes ang ideal rice price nga P29 tubtob P34 pesos kada kilo pag-abot sa bulan sang Agosto.
Sa iya bahin, ginpangabay naman ni Sadicon sa mga pungsod nga naga export sang bugas nga magpanubo man sang rice tariffs.
