-- ADVERTISEMENT --
Magasugod na nga magnubo ang presyo sang bugas sa tunga-tunga sa bulan sang Oktubre,2024.
Gintawag ini ni DA Sec. Francisco Tiu Laurel bilang iya nga “fearless forecast”.
Paathag sang tiglikom, naubos na ang una nga mga stock sang bugas nga mataas ang presyo kag nabaylohan sang mas barato nga mga bag-o nga stock.
Gin-ehemplo pa ni Laurel nga kon sa karon yara sa P50 kada kilo ang presyo sang bugas, dapat nga magnubo na ini sa P45 kada kilo sa masunod nga bulan.
Sa hearing sang Senado, ginpahayag ni Laurel nga mabatyagan ang full effect sini sa Enero 2025.
Una na nga gin-report sang Philippine Statistics Authority nga nagnubo ang presyo sang bugas nga nagresulta sa mas mahinay nga inflation rate sang Pilipinas nga yara sa 1.9% sang Setyembre.
