KORONADAL CITY –Uyat sa subong sang mga otoridad ang isa ka inmate sang South Cotabato Provincial Jail makaligad nga naka palagyo kaina sang aga samtang yara sa ward sang South Cotabato Provincial Hospital.
Ini ang ginkompirmar ni Lt. Col. Joefel Siason, hepe sang Koronadal City PNP sa interbyu sang Bombo Radyo Koronadal.
Suno kay Siason, gin report sa ila nga talatapan ang natabo kaina sang aga sa pag palagyo sang isa ka preso nga gin kilala kay Regie Grecia, 29 anyos nga residente sang Purok Tagumpay, Depita Subd., Koronadal City.
Si Grecia ay may kaso sa pagbayolar sa Republic Act 9165 ukon ang Comprehensive Dangerous Drugs Act of 2002.
Magluwas nga nagpositibo ini sa COVID-19 may yara ini sang balatian nga TB.
Nahibaluan nga nag palagyo ang preso halin sa 3rd floor sang provincial hospital kag nag puli ini sa ila nga puluy-an sa Casa Subdivision, Zone III, Koronadal City apang sang gin padulungan sang mga otoridad indi na ini naabtan.
Suno sa report, nagsakay ini sa isa ka bus padulong sa General Santos agod makigkita sa iya nga iloy apang namutikan sa terminal sa banwa sang Polomolok kag liwat nga naaristar.
Nagapangayo sang kooperasyon ang South Cotabato Provincial Hospital sa mga tauhan sang Provincial Jail agod indi na maliwat ang natabo
