KORONADAL CITY – Nagapadayon ang imbestigasyon sang mga otoridad makaligad naghigkog ang isa ka preso sa South Cotabato Provincial Jail.
Ginkilala ni Provincial Jail Warden Juan Lanzaderas ang biktima nga si Jestoni Padilla, 23 anyos, kag residente sang Bo. 2, Banga, South Cotabato nga may kaso nga murder.
Sa intebyu sang Bombo Radyo Koronadal kay Lanzaderas, nasapwan ang nagabitay nga bangkay ni Padilla sa kasilyas kun sa diin gin-usar sini ang isa ka tiebox agud ihigot sa iya liog kag kamot samtang may ginapatigayon nga religious activity sa premises sang establishmyento.
Nahibaloan nga antes ang paghikog sang suspek, ginhambalan suno pa niya ang iya iloy sang nagbisita ini sa iya, nga magpangita na sang iban nga mapangasawa ang iya misis.
Depresyon naman ang posible nga rason sang paghikog sang nasambit nga preso.
