KORONADAL CITY– Igarekomendar ang pagkakas sa mga local police kun indi sa gihapon maresolber ang media killings sa nagkalain-lain nga bahin sang pungsod.
Ini kasunod sang nagluntad nga pagpatay sa duha ka mamamahayag sa Sultan Kudarat kag Zamboanga del Sur.
Paandam ini ni Presidential Task Force On Media Security Undersecretary Joel Sy Egco sa mga local police bangud may yara suno pa sang ‘one strike policy’ nga ginapatuman ang nasambit nga task force sa mga pulisya nga indi maresolbarkun o masolusyunan ang pagpatay sa mga mamamahayag.
Una sini, ginluthang patay sang riding in tandem ang isa ka columnist nga si Leodoro Diaz nga nakabase sa Tacurong sa Sultan Kudarat samtang patay man si Rudy Dahunan Alicaway, reporter sang ka local station nga nakabase sa banwa sang Molave sa Zamboanga del Sur.
Kaangot sini nagpatigayon sang pagtililipon ang tri media sa Sultan Kudarat agud nga istoryahan ang panibag-o nga kaso sang media killing.
