Ginpahayag ni anay Presidente Rodrigo Duterte nga preparar na siya nga magtambong sa House quad committee hearing matapos siya nga gin-imbitar para sabton ang gina-alegar kaangtanan niya sa extrajudicial killings sa tion sang iya administrasyon nga ‘war on drugs’.
Suno sa Quad Comm,nalakip man sa paga-imbestigaran ang krimen nga naangut sa illegal Philippine Offshore Gaming Operators kag illegal drugs.
Nagalaum ang anay Presidente nga ang ipamangkot sa iya ‘educated questions’.
Sang ginpamangkot si Duterte sa imbestigasyon angut sa gina-alegar EJK, ginpahayag niya nga ini ang matuod apang ginpanginwala ang operasyon sang Philippine Offshore Gaming Operation sa Davao.
Suno kay Duterte,nagtanyag man siya sang legal support sa mga PNP officials kag militar nga nagapangatubang sang kaso bangud sa kaangtanan sang ila trabaho, sa diin handa sini nga itaya ang iya kaugalingon kag reputasyon.
Luyag man ni Duterte nga mag-ayuhay sila ni Senator Leila de Lima nga gusto sini nga lagson ang mga indibidwal nga yara sa likod sang iya nga “fabricated drug cases” kasunod sang pagka-absuwelto sa tanan nga kaso.
Apang kon indi pa mag-untat sang istorya si De Lima batuk sa iya ,ipa-gwa niya ang sex video nga madugay na nga ginapanginwala sang anay Senadora.
