Nagpasalig si President Ferdinand Marcos Jr. nga may bastante nga pondo kag relief goods ang gobyerno para sa mga lugar nga apektado sang Severe Tropical Storm Enteng.
Suno kay Marcos, ang gobyerno ang nakapanagtag na sang P16 million nga balor sang bulig pinaagi sa Department of Social Welfare and Development, kag may masobra pa sa P65 million nga pondo nga naka-standby.
Ginpahayag man sang presidente nga masobra sa 63,000 ka mga indibidwal ang luwas nga nadala sa 452 ka evacuation centers.
Dugang pa niya, ang gobyerno ang nagtigana sang P480.61 million nga balor sang health logistics sa nagkalain-lain nga rehiyon agud nga maghatag sang medical assistance sa apektado nga mga populasyon.
Sa latest nga report sang Office of Civil Defense (OCD), 12 ang napatay bangud sang landslide kag pagbaha nga tuga ni Enteng.
