Ginpasalamatan ni Pangulong Ferdinand Marcos Jr. ang tanan nga mga Pilipino nga nagboto sa halalan.
Sa pahayag nga ginpagwa sang Pangulo, iya ginpabugal nga liwat napakita sang pungsod ang espiritu sang demokrasya pinaagi sang malinong, hapsay, kag may dignidad nga piniliay.
Suno sa Presidente, ini nga halalan isa ka selebrasyon kag panawagan sa gobyerno nga mag-aksyon para sa mga matuod nga problema nga ginaatubang sang mga Pilipino.
Panawagan sang Pangulo, nga subong nga tapos na ang halalan, magpadayon kita sa pag-uswag, indi para balikan ang nagligad kundi para sa palaabuton.
Iya man ginpahayag ang handum nga makig-isa sa mga bag-o nga nahalal nga kandidato, nga magbinuligay nga bukas ang huna-huna para sa isa ka misyon, nga magdumala sang gobyerno sa maayo nga paagi para sa mas maayo kag produktibo nga pungsod.
