Ginsugo ni Ferdinand Marcos Jr. ang Department of Foreign Affairs (DFA) kag ang Department of Migrant Workers (DMW) nga ipatuman ang tanan nga contingency plans agud masiguro ang kaluwasan sang mga Pilipino sa tunga sa airstrikes sa Iran.
Sa isa ka opisyal nga pahayag, ginpabutyag sang Pangulo nga “paramount” kag una nga importante ang seguridad sang aton mga kasimanwa sa rehiyon.
Suno naman kay Maria Theresa Lazaro, Secretary sang DFA, yara na sa “full alert” ang mga embahada sang Pilipinas sa Tehran kag Tel Aviv, pati man sa mga pungsod nga sakop sang Gulf Cooperation Council (GCC) kun sa diin madamo ang mga Overseas Filipino Workers (OFWs).
Ginkumpirma sang DFA nga sa subong nga tion, wala pa sang may ginreport nga Pilipino nga napilasan ukon na apektuhan sang mga pagpamomba.
Bisan pa sini, hugot ang paandam sang gobyerno sa mga Pinoy sa nasambit nga mga lugar nga magpabilin sa sulod sang ila mga balay kag likawan ang mga pampubliko nga lugar samtang mainit ang sitwasyon.
