Ginhangkat ni President Ferdinand “Bongbong” Marcos Jr. si Chinese Premier Li Qiang angut sa mga nagluntad nga engkwentro sa West Philippine Sea (WPS)sa ginpatigayon nga regional summit talks kadungan sang 27th Association of Southeast Asian Nations (ASEAN) sa National Convention Centre sa Laos.
Ini kasunod sang pagkabalaka sang pungsod nga mahimo magtaas ang tensyon sa gina-agawan nga kadagatan.
Suno kay Marcos, indi mahimo nga i-separar ang economic cooperation sa political security.
Dugang pa niya, nga dapat mapadasig sang duha ka bahin ang pag-istoryahanay may kaangtanan sa ASEAN-China Code of Conduct (COC).
Samtang, nagpasalig man ang presidente nga nagapabilin ang commitment sang Pilipinas sa pagpasanyog sang ASEAN-China relationship agud mapasangkad ang long-term peace, development kag kooperasyon sa rehiyon.
