Ginpahayag ni Vice President Sara Duterte nga dapat ikalip si President Ferdinand Marcos Jr nga gin-imbestigahan angot sa anomalya sa flood control projects.
Suno sa Bise Presidente, klaro ang ebidensiya nga makita ang anomalya sa 2025 national budget. Una na nga ginsiling sang presidente nga wala pa nalakip sa natalana nga pasakaan sang kaso sang Independent Commission for Infrastructure (ICI) si anay House Speaker Martin Romualdez.
Dugang pa ni VP Duterte, nga posible wala nabasa ang 2025 budget sa diin may ara sang discrepancies sa National Expenditure Program (NEP) nga ginsumiter sang executive department kag ang General Appropriations Act (GAA) nga ginpasa sang Kongreso.Suno pa saiya nga makita ang proyekto sang Executive Department ang yara sa NEP apang sa GAA makit-an nga wala ini sa NEP amo klaro na ini nga ibedensya.
Ang nasambit nga pagdugang ang makabig nga ‘insertions’ nga halin sa impluwensiya sang pagpamuno sang House of Representatives.Amo nga kinahanglan nga ilakip ang presidente sa bangod sa pagpirma sini sa 2025 General Appropriations Act .
