Nakabalik na sa Pilipinas si Presidente Ferdinand Marcos Jr. matapos ang pagbisita niya sa Estados Unidos kag personal nga pakigpulong kay President Donald Trump.
Nag-abot siya sang Miyerkules sang gab-i, Hulyo 23.
Sa iya arrival statement, ginpasiguro niya ang bulig sang gobyerno sa mga apektado sang mabaskog nga pagbaha bangud sang habagat kag bagyo.
Ginhangyo man niya ang publiko nga apektado sang kalamidad nga magsunod sa mando sang mga otoridad.
Ginpaathag man ni Marcos ang mga na-istoryahan nga isyu sa ila pagpulong ni Trump, lakip na ang seguridad, kalakalan, kag defense cooperation.
Ginpabugal man ni Marcos ang pagkuha sang $21 bilyon nga investment pledges halin sa mga negosyante kag top executives sa US.
Gin-imbitar man niya si Trump nga magbisita sa Pilipinas kag magtambong sa ASEAN meeting sa 2026 nga pagahiwaton diri sa pungsod.
