Mas ginpabaskog sang National Capital Region Police Office (NCRPO) ang ila preparasyon duha ka semana antes ang ika-apat nga State of the Nation Address (SONA) ni Presidente Ferdinand Marcos Jr., paagi sa pagsugod sang civil disturbance management competition sa aga sang Huwebes, Hulyo 17.
Sa nasambit nga ehersisyo, nagpraktis ang mga kapulisan samtang may dala nga mga shield kag nagpasulod sa nagkalain-lain nga chaotic kag peaceful scenarios, bilang preparasyon sa posible nga mga protesta. Ginpatigayon ini sa Camp Bagong Diwa, sa Taguig.
Gindaluhan man sang Chief sang Philippine National Police (PNP), si Gen. Nicolas D. Torre III, ang aktibidad agud masiguro nga andam ang mga pulis sa bisan ano nga posibleng kasamok ukon rally sa SONA.
Ginpaathag nga may yara sang 12,000 tubtob 13,000 ka mga persona sang NCRPO ang ipahanas sa pagbantay sang seguridad sa SONA.
Subong, suno sa mga otoridad, wala sila sang nabatyagan nga “probable threat” nga nagatupa sa SONA.
