KORONADAL CITY- Ginpahayag ni RTC Branch 26 Presiding Judge kag RTC Branch 24 Acting Judge Lorenzo Balo nga dako ang mangin epekto sa hudikatura kun mahatagan sang ligwa sang korte suprema ang ginsang-at nga Quo warranto petition nga ginsang-at ni Solicitor General Jose Calido para kay SC Chief Justice Ma. Lourdes Sereno.
Suno kay Judge Balo sa tion nga batunon ini sang Supreme Court kasubong man nga ginhatagan sini sang dugang nga gahum ang House of the Representatives ilabi na sa pagpa-impeach sang mga appointed officials.
Dugang pa nga kun mahatagan ini sang ligwa bisan sin-o nga appointees sa gobyerno ang mahadlok na bangud kasubong nga may yara sang shortcut sa pagpahalin sa ila.
Madumduman man nga una na nga ginduso ni Atty. Oliver Lozano nga ideklarar nga void ang appointment ni CJ Sereno bangud sa indi sini pagsunod sa legal nga tikang sa pag-resume sini sa iya nga pwesto apang ginbasura kahapon sang korte suprema ang nasambit nga petisyon.
