Gin-anunsiyo ni Pope Francis nga maga-appoint sia sang 21 ka bag-o nga cardinal sang Catholic Church, ang tikang nga wala ginalauman agud nga impluwensyahan ang grupo sang mga lider sang simbahan nga pili-an sa pila ka adlaw nga magabulos sa iya.
Ang seremonya nga mag-install sang bag-o nga appointees ukon kilala nga consistory, ang hiwaton sa Disyembre 8, suno sa gin-anunsiyo sang 87 anyos nga Santo Papa sa iya weekly noon-time prayer upod sa pilgrims kag mga turista sa St. Peter’s Square.
Ini na ang ikapulo nga consistory nga ginpatawag sang pope humalin nga napilian sia 11 ka tuig ang nakaligad bilang pinakauna nga Santo Papa nagikan sa Latin America.
Isa sa natalana nga i-appoint ni Francis amo si Catholic Bishops’ Conference of the Philippines (CBCP) President Kalookan Bishop Pablo Virgilio David.
Sa subong, may yara sang 122 ka cardinals nga wala pa naga-edad sang 80. Sang una, ginalimitahan lang sang simbahan sa 120 ang cardinal apang ang mga ulihi nga Santo Papa ang nagalapaw sa amo nga numero.
