Bangud sa kadamuon sang kalamidad nga nag-igo sa pungsod kag sunod-sunod nga bagyo sa katapusan nga bahin sang 2024, naubusan na sang pondo para sa disaster response ang National Disaster Risk Reduction and Management Council (NDRRMC).
Ini ang gin-ako ni NDRRMC Executive Director Undersecretary Ariel Nepomuceno matapos maubos ang pondo sang ila ahensya, sa diin ang budget sini sang 2024 yara sa P20 bilyones apang naglapaw na sila sa pondo kag nausar na ang presidential funds.
Ang Pilipinas ang ginlaslasan sang sunod-sunod nga anum ka mabaskog nga bagyo sang Oktubre tubtub Noviembre 2024 kalakip ang makahalalit nga Bagyo Kristine sa diin nalubog sa baha ang probinsya sang Albay kag Camarines Sur sa Bicol Region.
Naglab-ot na man sa 160 ka mga tawo ang napatay sa Bagyo Kristine kag Bagyo Leon samtang 9.6 milyones ka tawo ang naapektuhan.
