-- ADVERTISEMENT --

KORONADAL CITY – Ginatun-an kag gina imbestigaran na sang South Cotabato PNP kun may yara sang kamatuoran ang alegasyon nga konektado sa pila ka political figures ang mga serye sang pagpangluthang patay sa nagkalain lain nga lugar sa probinsya.
Sa ekslusibo nga interbyun sang Bombo Radyo Koronadal kay Police Colonel Joel Limson, Police Provincial Director sang South Cotabato PNP, ginpasiguro sini nga tanan nga mga kaso sang pagpangluthang ang may mga suspek na nga napasakaan sang kaso kag padayon ang imbestigasyon.
Nahibaluan nga madamo sang mga kaso sang pagpangluthang ang napagkit sa probinsya kasubong na lamang sang natabo sadto anay kay ex-Brgy. Topland kapitan Baltazar Bermil kag ang pinakaulihi ang pagluthang sa isa ka Mario Fuentes nga campaign leader kag ang pagpatay man sa maghimata nga sanday Lucio Simpal kag Jeffrey Fernandez sang Brgy. Topland siyudad sang Koronadal sang damlag lang.
Dako man ang posibilidad nga ang mga suspek sa pagpatay sa nasambit nga mga biktima ang mga hired killers sang pila man ka notoryus nga grupo.