KORONADAL CITY- Mas ginpasangkad pa sa karon ang Police Visibility sa Koronadal City batok sa mga krimen nga nagaluntad sa lugar.
Ini ang ginhatagan sang ligwa kag pagatutukan man ni P/LT Col Amot Mino Somine COP KCPS sa interbyu sang Bombo Radyo Koronadal.
Suno sa iya, isa ini kadako nga hangkat sa iya ilabi na nga siya nag bag o designar nga Chief of Police sa Siyudad.
Suno sa iya, mas pagatutukan niya sa karon ang pagdisignar sang mga kapulisan sa nagkalain lain nga area sang Koronadal agud nga malikayan ang ano man nga krimen sa ila naman nga Area of Responsibility.
Gindugang pa snag opisyal, nga siya ang indi man magakulang sa pagpadulong mga lugar ilabi na sa mga checkpoint agud siya ang makasigurado nga luwas ang lugar batok sa mga pagpamahog kag ano man nga krimen.
Samtang gindugang pa sang opisyal, nga sila man ang magpadayon sa ila maid id nga imbestigasyon agud makuha naman sang mga himata ang hustisya sang biktima sang pagpangluthang nga nagluntad sa Brgy. Saravia, Koronadal City.
Sa karon sila ang magahimo sang ila nga tikang agud mahibaluan kun sin o ang responsable kag matikma ang may kahimuan sang krimen.
