Padayon subong nga ginabantayan sang mga doktor ang kahimtangan sang isa ka 50-anyos nga police lieutenant matapos siya pusilon sang iya live-in partner, nga isa man ka pulis, sa tunga sang ila komosyon sa ila puluy-an sa Barangay Sinawal sang Lunes sang gab-i, Marso 24, 2025.
Suno sa General Santos City Police Office, nag-angkon sang grabe nga pilas sa lawas si Police Lt. Joseph, nga miyembro sang isa ka unit sang Police Regional Office-12.
Ang insidente ginkumpirmar sang mga otoridad sang aga sang matapos ang pagpangluthang, kusang-loob man nga ginsungka ang iya kaugalingon sa mga otoridad si Patrolwoman Kaye, ang live-in partner ni Joseph nga nagpalupok sang pila ka beses.
Ginapangatubang niya subong ang kaso nga frustrated homicide.
Base sa testimoniya sang ila mga tupad balay, una nila nabatian ang mainit nga pagdebatihan sang magka-upod may kaangtanan sa reklamo ni Kaye nga ginabully siya ni Joseph sa tunga sang ila mga kaupdanan sa serbisyo.
Indi madugay, nagluntad ang pila ka lupok sang pusil.
Suno naman sa inisyal nga imbestigasyon kag pahayag sang mga opisyal sang barangay, naglab-ot sa madalom nga komosyon tubtob nga ginkuha ni Patrolwoman Kaye ang iya service firearm halin sa iya gina taguan kag ginpusil sang pila ka beses si Joseph.
Padayon ang imbestigasyon kag ginaproseso ang kaso batok sa suspek.
