KORONADAL CITY-Uyat na sa subong sang mga otoridad ang CCTV footage sa nagluntad nga pagsigabong sang IED sa isa ka unit sang Mindanao Star bus nga gin kapatay sang 5 ka tuig nga bata kag ginkapilas sang 6 ka iban pa.
Ini ang nangin kabahin sang pahayag ni PEMS Randy Hampac, Tagpamaba sang Aleosan PNP sa interview sang Bombo Radyo Koronadak. Suno kay Hampac, naghalin ang video sa built-in nga camera sang bus kabangdanan nga klaro suno pa ang pagkakuha sang suspek nga nagsakay sa Public terminal ng Kabacan kag nagpanaog sa Pikit, North Cotabato.
Positibo naman ang Special Investigation Task Group (SITG) nga makilala ang suspek agud nga mahibalo man sang mga otoridad ang grupo nga responsable diri. Naga hingyo man sang kooperaston ang mga otoridad sa bus company kun may nabaton sila nga extortion letter o threat antes pa ang panghitabo.
Samtang , hustisya naman ang singgitan sang pamilya Solaiman , ang pamilya sang 5 ka tuig nga bata nga napatay makaligad nga mautdan sang tiil. Nahibaluan nga apat sa pito ka nga biktima ang naghalin sa pamilya Solaiman lakip na ang lima ka bulan nga lapsag.
Sa subong, luwas na ang 6 ka mga biktima kag nagapabilin sa balay bululngan para sa padayon nga medikasyon kag amat-amat nga pagpaayo sang mga ini.
