-- ADVERTISEMENT --
Ginpahayag ni Philippine National Police (PNP) PIO Chief kag Spokesperson PBGen. Jean Fajardo, nga naghatag na sang direktiba si PNP Chief Police Gen. Rommel Francisco Marbil nga ila pagapreparahan ang posible nga epekto sang pala-abuton nga bagyong Marce.
Sa pulong balitaan sa Camp Crame, ginpahayag ni PBGen. Fajardo, nga padayon ang ila koordinasyon sa pambansang pulisya sa mga Local Goverment Units partikular na sa mga lugar nga ginaekspektar nga maigo sang bagyo.
Samtang, naghingyo naman ang PNP sa publiko nga naga-istar sa mga lugar nga permi ginabaha nga ila pagapreparahan na ang pagbakwit.
