KORONADAL CITY- Ginpasiguro ni North Cotabato Police Provincial Director Police Senior Superintendent Emmanuel Peralta ang pagpatigayon sang hugot nga seguridad kasungan sang liwat naman nga pagpatigayon sang rally sang komunista kag rebelde nga New People’s Army sa nasambit nga lugar.
Madumduman nga sa ekslusibo nga interbyu sang Bombo Radyo Koronadal kay North Cotabato Police Senior Superintendent Emmanuel Peralta, may yara na sila sang ginpatigayon nga deployment sang kapulisan sa nagkalain-lain nga lugar sa nasambit nga syudad kag nagpakig-angot naman ang mga ini sa lokal nga mga opisyales sang lugar mangin man sa mga religious grous agud nga makabulig sa pagtapna sa posibilidad sang pagpanggamo sang rebelde nga grupo.
Madumduman nga subong nga abril isa naman ka tuig ang nagligad sang nagluntad ang Kidapawan clash nga ginkapatay sang pila ka mga persona kag ginkapilas sang pila sa mga katapo sang kapulisan nga ginasiling nga yara sa likod sini ang rebelde nga New Peoples Army.
