KORONADAL CITY-Nakabatak sa karun ang alerto sang kapulisan sa bilog nga probinsya sang North Cotabato makaligad ang panibago nga insidente sang pagsigabong sa isa ka residential house.
Suno kay PBrig. Gen. Alexander Tagum, Regional Director sang Police Regional Office-12, gintugyanan na sini ang North Cotabato Provincial Police Office kag Pikit Municipal Police nga magbuliganay para sa dalayon nga madakop ang mga suspek nga nagpasigabong sang eksplosibo.
Maayo na lamang sang wala napatay ukon napilasan sa pagsigabong apang nabuho naman ang atup sang puluy-an sang pamilya ni Anquing Cadulong Masla sa Abad Street sa Barangay Poblacion kag nagtuga sang kahadlok sang mga residente sa lugar.
Sa subong,ginahibalo pa sang mga kapulisan kung isa ka fragmentation grenade o 40 millimeter explosive projectile ang ginpasigabong. Indi paman matumod pa sang mga otoridad kun ang motibo sang pagpasigabong.
Madumduman nga sang nagligad nga semana nareport man ang pagpasigabong sang granada sa police security outpost sa nasambit nga lugar
