Granada naglupok sa Buluan, Maguindanao; imbestigasyon nagapadayon-PNP

Madason nga nagresponde ang Philippine National police kag padayon pa sa subong ang imbestigasyon sa nagluntad nga paglupok sa guwa sang Buluan Municipal Hall , gab-i sang Abril 18, 2025, nga nagtuga sang pagsigrab sang isa ka salakyan.

Suno sa inisyal nga imbestigasyon, wala sang klaro nga kumpirmasyon kun eksplosibo ukon indi ang ginhalinan sang paglupok.

Suno sa mga pumoluyo kag mga residente sa palibot, mabaskog ang paglupok kag ila suno pa nabatyagan ang pag-uyog sang duta bangud sini.

Nag-abot na sa lugar ang mga kapulisan kag mga kasundaluhan agud magpatigayon sang imbestigasyon kag masiguro ang kalinong kag kasiguruhan sang mga tawo.

Sa subong,padayon pa nga ginatipon ang dugang nga impormasyon bahin sa insidente.