Nagpaandam ang Philippine National Police sa mga nagahimo sang video tutorials online sa paghimo sang boga sa karon nga palaabuton nga bag-ong tuig.
Suno kay Philippine National Police, Public Information Office Chief kag spokesperson Brigadier General Jean Fajardo, mas ginpasangkad pa sang PNP ang ang cyber patrolling sini agud mahibal-an ang mga lokasyon sang mga content creators nga nagahimo sang boga.
Pa-athag niya pa nga , madugay na ini nga gina dumilian kag kaupod ang boga sa listhan sang mga prohibited firecrackers nga ila kumpiskahun.
Suno sa kay Fajardo madamo ang nalukpan sa istura kag mga naga ka-aksidente nga bata bangod sa nasambit nga palupok.
Sa piyak sini nagpahinumdom ini sa publiko nga bantayan sang mga ginikanan ang ila kabataan kag indi sila pagpasugtan nga maggamit ukon maghimo sang boga agud malikawan ang mga aksidente.
Anggot sini, ginpahayag man sang Philippine National Police spokesperson Brigadier General Jean Fajardo ang angot sa mga nakumpiskar nga palupok.
Ila ini gub-on kag sunugon antes mag-abot ang unga nga adlaw sang bag-o nga tuig.
