KORONADAL CITY- May ginasundan na suno pa nga person of interest ang PNP sa pagpatay sa anchorman nga si Eduardo “Ed” Dizon.
Suno kay Police Lt.Col. Ma. Joyce Birrey, hepe sang Kidapawan City PNP, 3 ka CCTV Footages na sa karon ang padayon nila nga ginaseknyar agud nga makit-an kun sino ang responsable sa pagpatay sa anchorman sang Brigada News FM Kidapawan City.
Gina-imbestiagran naman sang PNP ang nangin unod sang blotter report kun sa diin nakabaton sang pagpamahog sa kabuhi si Dizon sang Hunyo 3, 2019.
Dugang pa sang opisyal, ang nadihon nga PNP-Special Investigation Task Group nga pagapangunahan sang provincial PNP ang magatutok sa mas mai-id nga imbestigasyon.
Samtang, kaina sang aga sang nagbisita si Undersecretary Joel Egco sang Task Force on Media Security sa haya ni Dizon.
Nakig-angot man si Egco sa PNP agud nga mahibaluan ang dalagan sang imbestigasyon.
Madumduman nga gintiro sang riding in tandem suspects si Dizon samtang papuli ini kun sa diin naka-angkon ini sang igo sang bala sa iya nga lawas nga nangin rason sang iya nga kamatayon.
