Ginkumpirma sang Philippine National Police (PNP) nga nabuhinan ang mga text scams matapos ginmandu ni Pangulong Ferdinand Marcos, Jr. ang pagdumili sa Philippine Offshore Gaming Operators (POGO).
Suno sa Philippine National Police – Anti-Cybercrime Group (PNP-ACG), sang tinalikdan nga bulan sang Hulyo, duha lang ka reklamo sang text scams ang nabaton sang mga ini. Mas manubo sang nakaligad nga mga bulan kag tuig.
Gin-athag man sang PNP-ACG nga ang datos ang angot lamang sa text scams nga nareport sa ila opisina kag wala malakip ang reports nagikan sa cybercrime desk sa mga police stations.
Matandaan nga ginmando ni Pangulong Marcos ang pagdumili sa POGO kasunod sang mga raids nga ginpatigayon sang mga otoridad bangud sa ginaalegar kaangtanan sang mga ini sa mga pagpanunto, torture, love scams, kag iban pa nga mga krimen.
