KORONADAL CITY- Ginakabalak-an sang South Cotabato PNP sa aktibo nga recruitmen sang New People’s Army ilabi na sa mga kabaaan nga IPs sa Miasong Tupi, South Cotabato.
Sa interbyu sang Bombo Radyo Koronadal kay South Cotabato Police Provincial Director Police Senior Superintendent Franklin Alvero, target sang komunista kag rebelde nga grupo ang mga kabataan nga IP’s nga gina engganyo nila pinaagi sa promisa nga pagahatagan ang mga ini sang maayo nga bwas damlag kag pag-angkon sang gahom sa oras nga mag intra sa ila nga grupo.
Ginahiluan suno pa sang mga ini ang huna-huna sang mga kabataan nga sa baylo maga eskwela kag mag uyat sang libro, mga armas ang ila ginahatag agud tudluan nga magtanom sang akig sa gobyerno.
Nagpahanumdum naman si Col. Alvero sa pumuluyo sang South Cotabato ilabi na sa mga IP’s nga indi magpadala sa matam-is nga mga promisa sang rebelde nga grupo nga wala sang kamatuuran.
