Gina-abi abi sang Philippine National Police (PNP) ang plano ni Vice President Sara Duterte nga magpasaka sang kaso batok sa mga police officers bangud sa gina-alegar disobedience, robbery, kag kidnapping.
Suno kay PNP Criminal Investigation and Detection Group (CIDG) Chief PBGen. Nicolas Torre III, isa ini ka husto nga pamaagi sa sin-o ma nga magpasaka sang kaso ilabi na kun mabatyagan nila nga na-agrabyado sila.
Ginpahayag sang opisyal nga pagahulaton nila ang pagpasaka sang kaso antes maghatag sang nagaka-igo nga sabat kun sa diin nga forum ipasaka ang kaso.
Nahibaluan nga nagpasaka ang PNP sang kaso nga direct assault, disobedience kag grave coercion batok kanday Duterte, Vice Presidential Security kag Protection Group (VPSPG) Chief Col. Raymund Dante Lachica, kag iban pa nga John Does.
