Gin-relieve na si Police General Nicolas Torre III bilang hepe sang Philippine National Police (PNP), suno sa mandu sang Office of the President nga ginpirmahan ni Executive Secretary Lucas Bersamin.
Epektibo ini dayon, kag ginpahamtang kay Torre nga siguruhon ang maayo nga pag-turnover sang mga dokumento.
Gintalana si Torre bilang PNP Chief sang Mayo 29, 2025, kag siya ang nanguna sa mga operasyon nga nagresulta sa pagkadakop kay anay Presidente Duterte kag kay Apollo Quiboloy.
Bisan wala pa opisyal nga gin-anunsyo, ginabulubanta nga ang magabulos sa iya amo si Police General Melencio Nartates, nga ginapaabot nga magahatag sang bag-o nga direksyon sa PNP, labi na sa internal cleansing kag pagpabakod sang presensya sang pulis sa komunidad.
Ini nga pagbag-o kabahin sang mas daku nga reporma sa pulisya.
