KORONADAL CITY – Nagakabalaka na ang Police Regional Office-12 bangud sa padayon nga pagdata sang nanari-sari nga ilegal nga investment schemes sa rehiyon.
Suno kay PNP-12 regional director Police Brigadier General Eliseo Tam Rasco, nga base sa ila monitoring madamo nga mga residente kalakip na ang mga ranking officials kag miyembro sang PNP ang padayon nga nagapabiktima sa mga investment schemes.
Sa isa ka interbyu, gin-ako sang opisyal nga sa pihak sang mga paandam kag public advisories halin sa mga ahensiya sang gobyerno, padayon sa gihapon ang aktibidad sang mga ini.
Madumdoman nga una na nga nagpaguwa sang warning ang PNP-12 batok sa Kapa Community Ministry kag Almamico.
Ginpasiguro man ni Rasco nga padayon ang PNP-12 sa pagpatigayon sang law enforcement actions kag pagaimbestigaran ang nasambit nga mga investment schemes.
