KORONADAL CITY – Nagahulag na ang imbestigasyon sang PNP Regional Office 12 angot sa KAPA investment o Kabus Padatu-on investment sang isa ka nagpakilala nga pastor nga si Joel Apolinario nga naga-operate sa Sarangani Province, General Santos City kag syudad sang Koronadal.
Sa ekslusibo nga interbyu sang Bombo Radyo Koronadal kay PNP 12 spokesperson PSupt. Aldrin Gonzales, may yara na sila sang
impormasyon angot sa operasyon sang KAPA nga base sa Department of Interior and Local Government memorandum circular kag Securities and Exchange Commision advisory nga indi ini reshistrado kag iligal.
Dugang pa sini nga kabulig sang mga ahensya sang gobyerno kag sang Bombo Radyo Philippines ang PNP sa paghatag sang mga pahanumdum sa mga padayon nga naga invest sa KAPA sa posible nga dangatan sini.
Madumduman nga ginbuyagyag sa Bombo Radyo nanday PCI Ephraim Megreño hepe sang Bislig PNP kag ni Bislig City Mayor Librado Navarro nga minilyon nga balor ang nabaldog sang Kapa investment scam ni Apolinario sa ila nga lugar kun sa diin may yara ini sang masobra
100 ka mga kaso kag 27 arrest warrants.
Samtang ginapasiguro ni Psupt. Gonzales ang kooperasyon sang PNP 12 sa Bislig City PNP sa tion nga ma-forward na sa ila talatapan ang arrest warrants ni Apolinario ka gilayon ini nga pagadakpon.
