KORONADAL CITY- Ginakabalak-an sa karon sang pila ka mga residente sa banwa sang Pikit, North Cotabato kag Shariff Aguak, Pagatin, Mamasapano kag Salibo ukon SPMS box sa Maguindanao ang posibilidad sang spillover sa natabo nga operasyon sang militar batuk sa mga foreign terrorist kag Bangsamoro Islamic Freedom Fighters.
Kun madumduman nagapadayon ang paglagas sang militar sa mga terorista makaligad nga mabungkag nila pinaagi surgical strike ang ila nga target nga kuta sang mga terorista kag sang bandido nga grupo sa boundary sang North Cotabato kag Maguindanao.
Indi man imposible nga nakapalagyo ang pila ka mga miyembro sang terorista nga grupo sa mga kaiping nga banwa bangud sa nagapadayon nga military operation kag ginakabalak-an nga maghimo pa sang kalakasan sa iban nga lugar.
Kaangot sini, suno kay Police Col. Aldrin Gonzales, tagpamaba sang PNP 12, ginpasiguro suno nga naka-alerto ang ila nga bahin kag preparado sa anuman nga pagpamahog.
Nahibaluan nga yara sa 17 na ang patay sa miyembro sang BIFF , 1 naman sa militar kag 2 ka sibilyan ang nadalahig sa nasambit nga operasyon.
