Plantasyon sang marijuana natukiban sa Tampakan, SoCot

KORONADAL CITY- Naglab-ot sa masobra 1,500 ka puno sang marijuana ang narekober sang mga otoridad sa banwa sang Tampakan, South Cotabato.

Sa interbyu sang Bombo Radyo Koronadal kay PSI Rafael Banggay Jr. hepe sang Tampakan PNP, partikular nga nadiskubrihan ang marijuana plants sa Sitio Bongsbang, Brgy. Danlag Tampakan South Cotabato kun diin gilayon nga nagpatigayon sang uprooting sa bulig sang Tampakan rescue unit, Brgy. officials kag PNP.

Sa nasambit nga Police Law Enforcement Operation Against Illegal Drugs, natukiban nga ginhimo nga malapad nga marijuana plantation ang lugar kun diin ginapatihan nga taga Kiblawan, Davao del Sur ang tag-iya nga padayon nga ginahibalo ang identity.