KORONADAL CITY- Narekober ang walo ka bomba kag lima naman ka miyembro sang terorista nga Dawlah Islamiyah-Hassan Group ang patay sa ginhiwat nga operasyon sang Joint Task Force Central sa mga lugar sang Pagalungan at Montawal, Maguindanao del Sur.
Ini ang ginkumpirma ni Lt. Col. Dennis Almorato, sa interbyu sang Bombo Radyo Koronadal.
Suno sa iya, nakabaton ang mga kasundaluhan sang impormasyon gikan mismo sa mga residente sang kasundaluhan ng impormasyon mula mismo sa mga residente sang Barangay Dungguan, Montawal kag Barangay Dalgan, Pagalungan nga kung sa diin didto ang kuta sang Dawlah Islamiya Group nga ginapamunuan sang isa ka Almoben Sebod.
Suno s aopisyal, plano sang sang mga nasambit nga grupo nga magpamomba sa mga matao nga lugar sang Maguindanao kag Cotabato kadungan sang pag umpisa sang Ramadan.
Gilayon naman nga nagpatigayon sang operasyon ang JTF Central agud punggan ang pano sang mga terorista nga grupo.
Nangin madinalag on naman nga nakakadtu ang mga kasuldaduhan sa kuta nga kung sa diin maabtik man nga nagpalupok ang mga terorsita nga grupo nga suno pa sa opisyal nagdugay sa yara isa ka oras nga pagbayluhanay sang lupok.
Sa bulig naman sang kanyon kag eroplano nga para sa irinaway, nasulod sang mga kasuldaduhan ang ginakutaan sang mga terorista kag dalayon nga naagaw ang walo ka bomba o improvised explosive devices (IED) nga preperado na kung tani nga ipalupok sa anuman nga oras.
Gindugang pa sang opisyal nga lima ka terorista naman ang kumpirmado ang napatay kag isa ang nagsurrender.
Narekober halin sa nadakpan ang isa ka calibre .45 pistol, mga bala nga Garand Rifle, mga elemento sa paghimo sang IED kag siyam ka mga cellphones nga ginagamit man sa pagpamomba.
Padayon man nga nangin preperdao ang mga pwersa sang gobyerno agud mauntat na ang mga nabilin nga miyembro sang terorista nga DI-Hassan Group.
