Plano nga pagbutang sang National Guard sa Chicago ni Trump, ginkontra sang Governor sang Illinois

Ginkontra ni Illinois Governor JB Pritzker ang plano ni US President Donald Trump nga magpadala sang National Guard sa Chicago.

Silíng sang gobernador, isa ini ka porma sang abuso sa gahum nga ginahimo ni Trump.

Nagdagdag pa siya nga wala sang emerhensya nga nagakatabo, gani indi dapat magpadala sang mga National Guard.

Una na nga nagpadala si Trump sang mga 2,000 ka mga sundalo sa Washington DC agud atubangon ang nagakatabo nga krimen.

Plano man ni Trump nga magbutang sang mga National Guard sa Chicago kag sa New York nga ginakontrol sang mga Democrats.