Pito ka panimalay ginguba sang tuman nga pagbaha sa South Cotabato

KORONADAL CITY-Nagapabilin subong sa evacuation centers kag mga himata ang 30 ka indibidwal nga apektado sang tuman nga pagbaha sa Sitio Lapidak, Barangay New Dumangas, T’boli, South Cotabato.

Nahibaluan nga liwat nagtaas ang tubis sa sapa bangud sa pagbubu sang mabaskog nga ulan.

Kaangot sini, pito ka puluyan ang naguba sang tubig baha subong man ang mga fish pond kag babuyan.

Gilayon naman nga naghatag ang Local Government Unit sang T’boli sang food assistance kag ginpasiguro nga makabaton sang 10,000 pesos bilang cash assistance ang kada pamilya.