Patay ang pito ka ginaalegar nga miyembro sang New People’s Army (NPA) sa engkwentro batok sa tropa sang gobyerno sa Pantabangan, Nueva Ecija.
Suno sa Philippine Army’s 703rd Infantry Brigade (703IB), pila ka sahi sang matag-as nga armas luthang ang narekuber sa encounter site sa Barangay Malbang.
Suno sa militar, wala n sang kaswalidad sa tropa sang gobyerno, samtang wala pa makilan-an ang mga napatay nga rebelde.
Kalakip sa mga narekober ang tatlo ka M14 rifles, anom ka M16 rifles, kag isa ka M16 with M203 attached rifle, kag isa ka low-powered firearm, subversive documents, kag personal nga gamit.
Dugang pa sang militar, padayon ang ila hot pursuit operations, agud i-clear ang encounter site kag masiguro ang kaluwasan sang kumunidad.
Naglunsarsang combat operations ang 84th Infantry Battalion (84IB) batok sa rebelde nga grupo sang Komiteng Rehiyong Gitnang Luzon bangud sa ginaalegar nga pagpalapta sang kahadlok sa mga residente sa lugar.
