Gin-anunsiyo sang transport group nga Piston ang igapatigayon nga nationwide transport strike sa subong nga adlaw Huwebes, Marso 19, bilang protesta sa tunga sang pagsaka sa presyo sang gatong bangud sa padayon nga tensiyon sa Middle East.
Suno kay Mody Floranda, natalana man nga mag-file ang Piston sang ginaduso nga P5 nga dugang nga plete agud mabuligan ang mga driver nga mabawi ang kapeirdihan.
Ginkwestyon man sang grupo ang P5,000 nga cash aid nga ginhatag sang gobyerno sa mga apektado nga drivers kag operators nga suno sa ila kulang kag katumbas lang sang pila ka adlaw nga gatos sang gatong.
Nagapanawagan man ang Piston sa gobyerno nga kakason ang Oil Deregulation Law kag suspendihon ang excise tax sa mga produktong petrolyo.
Magluwas diri, ginganyat ni Floranda ang mga oil companya nga unahon nga ibaligya ang may barato nga stock sang gatong antes magpatuman sang panibag-o nga price increase.
