Nagtibusok ang Philippine peso pabalik sa P59:$1 sang Biyernes, Marso 13, matapos ang siyam (9) nga adlaw nga pagnubo kontra dolyar, suno sa datos sang Bankers’ Association of the Philippines (BAP).
Nagtakop ang piso sa P59.735:$1, mas mataas sang 35 centavos halin sa P59.385 sang Huwebes, Marso 12, 2026.
Madumduman nga nagnubo ang piso bangud sa kombinasyon sang mas matag-as nga presyo sang petrolyo, mas mabaskog nga dolyar, kag sa liwat nga paghalong sang mga nagapamuhunan sa geopolitical tensions.
Kadungan pa sini ang nagasaka nga presyo sang enerhiya kag trade deficit, samtang ang global uncertainty ang nagaduso sang pondo sa mga safe haven kasubong sang dolyar.
Posible nga magapabilin sa pagbag-o sang piso sa tunga sang P59 kag P59.50 sa mga madason nga adlaw nga nakadepende sa presyo sang petrolyo kag pagnubo sang tensyon sa Middle East suno sa pila ka economist.
