Ginkumpirmar sang Department of Foreign Affairs (DFA) subong nga adlaw sang Lunes nga isa ka Pinoy seaferer ang ginpamatbatan sang 18 ka tuig nga pagkapreso sa Ireland bangud sa pagkainvolbar suno pa sa smuggling sang dako nga kantidad sang cocaine sang 2023.
Suno sa report, ang nasambit nga Pilipino kag pito pa ka mga indibidwal ang ginpamatbatan sang Irish Special Criminal Court matapos hana nga magpalusot sang 2.2 tonelada sang cocaine nga nagakantidad sang €157 million (ukon masobra P9.7 billion) pasulod sa Ireland.
“The original sentence was for 28 years but it was lowered to 18 on account of good behavior,” ayon kay DFA Undersecretary Ed De Vega.
Wala naman ginpahayag sang DFA ang identity sang nasambit nga seafarer.
Nahibaluan nga ini ang ikaduha ka beses na nga pinakamataas nga penalidad sa mga napamatbatan, sunod sa isa ka Dutch national nga ginsentensiyahan sang 20 ka tuig.
Ginpahayag ni De Vega nga padayon ang paghatag sang konsular assistance sang embahada sang Pilipinas sa Dublin kag nakig-angot na ini sa abogado sang Pilipino para sa madason nga tikang sa legal nga proseso.
Ang mga napamatbatan ang lunsay tripulante sang MV Matthew, isa ka Panamanian-flagged cargo ship nga nadakpan sang Irish Army Rangers sang Setyembre 2023. Gikan ang barko sa Curaçao, Venezuela, kag nadakpan pasulod sa Irish territorial waters.
Ini ang pinakadako nga drug bust sa kasaysayan sang Ireland.
Anum pa ka mga crew sang MV Matthew ang ginpamatbatan sang pagkapreso humalin 13.5 tubtob 17.5 ka tuig.
